मुंबई | आजकाल रिल काढणे आणि ती सोशल मीडिया हँडलवर अपलोड करणे काही फॅशन बनले आहे. अनेक तरुण आणि तरुणीचा या रीलच्या नादात जीव गेल्याचे आपण पाहत आहोत. आज देखील अशीच एक धक्कादायक घटना घडली आहे. मुंबईच्या एका तरुणीचा रिल काढण्याच्या नादात जीव गेला असल्याची घटना घडली आहे.
मुंबई येथील अण्वी कामदार नावाच्या रिलस्टारचे दुःखद निधन झाल्याची घटना समोर आली आहे. ती माणगाव तालुक्यातील कुंभे या ठिकाणी फिरण्यासाठी गेली होती. मात्र तीचा तोल गेला आणि ती एका खोल दरीत पडली. ३०० फुटाहून अधिक खोल दरीत पडल्यामुळे तिचा जागीच मृत्यू झाला.
ती एक उच्च शिक्षित तरुणी होती. सीए म्हणून ती सध्या काम करत होती. मात्र एक चूक झाली आणि तिचा दुर्दैवी अंत झाला. सदर घटना घडल्यानंतर माहिती पोलिसांना देण्यात आली पोलिसांनी घटना स्थळी धाव घेतली आणि बचाव कार्य सुरु झाले मात्र अनेक अडथळे येत होते. अखेर अण्वी जखमी अवस्थेत मिळाली.
त्यानंतर तिला उपजिल्हा रुग्णालयात उपचारासाठी दाखल करण्यात आले. मात्र तिचा जागीच मृत्यू झाला होता. या घटनेने पतिसरात हळहळ व्यक्त केली जात आहे. तन्वीचे इन्स्टाग्राम वर २ लाख ७९ हजाराहून अधिक फॉलोअर्स होते. ती एक लोकप्रिय रिलस्टार म्हणून देखील ओळखली जायची मात्र तिच्यावर काळाने घाला घातला.
