एके हंगल यांची मृत्यूपूर्वी अशी होती परिस्थिती

मुंबई | ए के हंगल यांनी 60 ते 70 च्या दशकातील बहुतेक चित्रपटांमध्ये वडील किंवा काकाची भूमिका साकारली होती. एके हंगल यांनी त्यांच्या कारकिर्दीत अनेक चित्रपटांमध्ये काम केले पण आजही लोक त्यांना शोलेचे रहीम काका म्हणून लक्षात ठेवतात. ए के हंगल यांनी हे पात्र कायमचे अमर केले. 26 ऑगस्टला एके हंगल यांची पुण्यतिथी झाली.

एके हंगल हे बॉलीवूडमधील दिग्गज अभिनेत्यांपैकी एक आहेत. काश्मिरी कुटुंबात जन्मलेल्या एके हंगल यांचे बालपण पाकिस्तानातील पेशावरमध्ये गेले. लहानपणापासूनच त्यांचा कल रंगभूमीकडे होता. पण ते मोठे होऊन शिंपी झाले. या काळातही ते रंगभूमीशी जोडले गेले. बलराज साहनी आणि कैफी आझमी यांच्यासह हंगल साहब आयपीटीए या थिएटर ग्रुपशी संबंधित होते.

वयाच्या 52 व्या वर्षी बॉलिवूडमध्ये केलं पदार्पण:
1929 ते 1947 पर्यंत त्यांनी स्वातंत्र्यासाठी लढा दिला. एके हंगल यांना 1947 ते 1949 अशी 2 वर्षे कराची तुरुंगात काढावी लागली. तुरुंगातून सुटल्यानंतर तो भारतात आला आणि मुंबईत स्थायिक झाला. एके हंगल बॉलीवूडमध्ये नायक म्हणून दिसले नाही कारण त्यांनी 52 वर्षांचे असताना बॉलिवूडमध्ये प्रवेश केला होता.

वयाच्या 52 व्या वर्षी 1966 मध्ये “तीसरी कसम” आणि “शागिर्द” या चित्रपटातून आपल्या फिल्मी करिअरची सुरुवात केली. 70-90 च्या दशकात त्यांनी अनेक चित्रपटांमध्ये काम केले. ए के हंगल यांनी बॉलिवूडचे पहिले सुपरस्टार राजेश खन्ना यांच्यासोबत जवळपास 16 चित्रपटांमध्ये काम केले.

‘इतना सन्नाटा क्यू हे भाई’ या संवादाला मिळाली प्रसिद्धी:
ए के हंगल यांनी चार दशकांहून अधिक काळच्या कारकिर्दीत सुमारे 225 चित्रपटांमध्ये काम केले. शोले चित्रपटातील रहीम चाचाच्या भूमिकेसाठी एके हंगल यांना खूप पसंती मिळाली होती. “इतना सन्नाटा क्यूँ है भाई…” हा त्यांचा डायलॉग लोकांच्या मनात स्मरणात होता. हा चित्रपटातील सर्वात भावनिक संवाद होता.

आयुष्याच्या शेवटच्या दिवसात त्याच्यावर उपचाराचा खर्च भागवणं खूप कठीण झालं होतं. एके हंगल यांच्या मुलाने उपचारासाठी पैसे नसल्याचे सांगितले तेव्हा अमिताभ बच्चन यांनी त्यांना उपचारासाठी 20 लाख रुपये दिले होते. यासोबतच करण जोहरसह इतर अनेकांनी आर्थिक मदत केली होती. पण 26 ऑगस्ट 2012 रोजी ए के हंगल यांनी या जगाचा निरोप घेतला.