हॉलीवुड हादरलं! प्रसिध्द अभिनेत्याचे निधन; १००हून अधिक चित्रपटात साकारली होती भूमिका
दिल्ली | हॉलीवुडमधील प्रसिद्ध अभिनेता सॅम गॅनन याचे वयाच्या ३१ व्या वर्षी अमेरिकेला जात असताना अचानक निधन झाले आहे. त्याच्या निधनाने हॉलीवुडवर शोककळा पसरली आहे. उत्तर यॉर्कशायरमधील सेल्बी येथील तरुण अभिनेता, कॅलिफोर्नियातील विलो येथे कुटुंबाला भेट देण्यासाठी निघाला होता. त्याचे मृत्यूचे खरे कारण अजून अस्पष्ट आहे. गॅननची बहीण एमीने मंगळवारी आपल्या भावाच्या मृत्यूची पुष्टी केली.
सदर घटनेचा तपास पोलिसांकडून केला जात आहे. जानेवारी 2019 मध्ये एमेरडेलमध्ये कॅरेज कोचमन केव्ह या भूमिकेसाठी हा कलाकार प्रसिद्ध होता. त्यावेळी त्याने स्टार एम्मा अॅटकिन्सच्या विरुद्ध अभिनय केला तेव्हाच त्याला अभिनयात मोठा ब्रेक मिळाला होता. त्याची बहीण एमीने भावाच्या निधनाची माहिती देत सांगितले की,” सॅम हा एक अद्भुत व्यक्ती होता. अगदी सांगायचे तर एक अद्वितीय पात्र. तो खऱ्या अर्थाने इतरांची काळजी घेत असे आणि तो एक अतिशय संवेदनशील आत्मा होता.”
मित्र लुईस मॅथ्यूजने देखील गॅनॉनच्या निधनावर एक पोस्ट लिहिल आहे. त्यात लिहिलं आहे की, ” सॅम एक असा व्यक्ती होता ज्याकडे प्रेमाचा अथांग सागर होता. त्याच्या शांती लाभो. सॅमचा मृतदेह यूकेला परत आणण्यासाठी आणि अंत्यसंस्काराचा खर्च भरून काढण्यासाठी त्याच्या कुटुंबाने आता क्राउडफंडिंग अपील सुरू केले आहे.
हा अभिनेता कोल्ड फीट स्टार जॉन थॉमसन सोबत साल 2017 च्या टॉकिंग विथ एंजल्स या शॉर्टफिल्ममध्ये दिसला होता. तसेच नंतर तो जेन हॉरॉक्स, विक रीव्हज आणि ज्युली हेसमंडहल्घ यांच्यासोबत तसेच थिएटर ग्रुप्ससह राष्ट्रीय आणि प्रादेशिक ठिकाणी प्रमोशन करताना देखील दिसला होता.
त्याच्याकडे जमा झालेला कोणताही अतिरिक्त निधी युथ थिएटरला पाठिंबा देणाऱ्या यूके धर्मादाय संस्थेला दान केला जाईल, ज्याचे वर्णन ‘सॅमच्या हृदयाच्या जवळचे कारण’ असे त्याच्या कुटुंबीयांनी सांगितले आहे.
अभिनेत्याच्या सहकलाकारांनी देखील ट्विटरवर त्याला श्रद्धांजली वाहिली आहे. रॉब वॉर्डने लिहिले आहे की, “सॅमच्या चेहऱ्यावर नेहमीच हास्य असायचे. सुंदर, उबदार, विचारशील माणूस. विचार त्याच्या प्रियजनांसोबत आम्ही आहेत. कृपया या अविश्वसनीय कठीण काळात त्याच्या कुटुंबीयांच्या मदतीसाठी पुढे या.”
“सॅम नेहमीच मनमिळावू स्वभावाचा होता. या बातमीवर माझा अक्षरशः विश्वास बसत नाही,” असे जॉर्डन अक्कायाने लिहिले. गॅनॉनच्या पश्चात त्याची आई अँजी, भाऊ जेसन आणि जॉर्डन, त्याची प्रेयसी झो तसेच भाची माटिल्डा आणि बेथनी आणि पुतणे लुई आणि इव्हान एवढा परिवार आहे.
