मर्डर चित्रपटातील प्रसिध्द अभिनेत्याचे निधन; सैन्यातून निवृत्ती घेऊन अभिनय क्षेत्रात गाजवले होते बॉलिवूड
दिल्ली | हिंदी चित्रपट सृष्टी आणि मालिका विश्वातील काळीज हेलावणारी बातमी समोर आली आहे. एका प्रसिद्ध अभिनेत्याचा आकस्मित मृत्यू झाला आहे. त्याच्या निधनाच्या बातमीवर विश्वास ठेवणे अनेकांना जड जात आहे. मात्र ही दुर्दैवी घटना खरी आहे. आर्मी सेवानिवृत्त आणि प्रसिद्ध अभिनेते बिक्रमजीत कंवरपाल यांचे निधन झाले आहे.
आर्मीमध्ये सेवानिवृत्ती घेतल्यानंतर अनेक व्यक्ती आपल्या कुटुंबाबरोबर सुखी आयुष्य जगणे पसंत करतात. जर सेवानिवृत्ती खूप कमी वयात मिळाली असेल तर दुसऱ्या एका शासकीय सेवेमध्ये त्यांना दाखल केले जाते मात्र बिक्रमजीत कंवरपाल यांनी आर्मी मधून सेवानिवृत्ती घेतल्यानंतर अभिनयात काम करण्याचा निर्णय घेतला. सीमेवर नागरिकांचे रक्षण केल्यानंतर त्यांना देशामध्ये राहून आता नागरिकांचे मनोरंजन करायचे होते.
हिमाचल प्रदेश येथील सोलन येथे बिक्रमजीत यांचा जन्म झाला होता. कीर्तीचक्राने त्यांना सन्मानित करण्यात आले होते. 1989 साली ते सैन्यामध्ये भरती झाले. 2002 पर्यंत त्यांनी सेवानिवृत्ती देखील घेतली. त्यानंतर आपल्या कारकिर्दीचे जहाज त्यांनी अभिनयाकडे वळवले. पत्रकारितेवर आधारित असलेल्या पेज 3 या चित्रपटांमध्ये ते सर्वप्रथम दिसले. त्यानंतर त्यांनी करम, सेहगल ग्रुप, क्या लव स्टोरी है, हायजॅक, रॉकेट सिंग, नॉकआऊट, मारडर 2, बंबू, जोकर, शौर्य, धोकादायक इशक अशा अनेक चित्रपटांमध्ये काम केले.
क्राइम पेट्रोल दस्तक या कार्यक्रमात देखील त्यांनी बराच काळ काम केले. गेल्या वर्षी एका गंभीर आजाराने त्यांना ग्रासले होते. या आजारामध्ये त्यांचे निधन झाले. त्यांच्या निधनामुळे अनेक व्यक्तींनी त्यांना सोशल मीडिया मार्फत भावपूर्ण श्रद्धांजली वाहिली आहे.
